Serchhip-in greenhouse tomato quintal 450 thar

Kum kalta chhung khan Serchhip district-ah greenhouse tomato quintal 450 tharchhuah a ni.
Sawrkar kum kal mek 2023-2024 chhungin Serchhip district-a horticulture lam hmalakna zingah, Dragonfruit chin beihpuithlak niin, nikum khan dragon fruit phun tur chi 9000 semchhuah a ni a, quintal 600 thar a ni. Greenhouse tomato quintal 450 tharchhuah a ni a, zikhlum quintal 10000 tharchuah a ni bawk.
Serchhip district-ah 2023 January – December chhung khan nau piang 435 an awm a, thi 11 awmin Infant Mortality Rate chu 25.3 niin, nu nau chunga thi an awm lo.
Miretheiten hospital-a inenkawlna man tlawm an dawn theih nan AB-PMJAY hnuaiah Serchhip district-ah chhungkaw 42000 tan Golden Card siamsak a ni a. Nuten hospital-ah ngei nau an hrin theih nan JSY leh JSSK scheme kalpui niin, sawrkar damdawi in panna leh senso dang zawng zawng sawrkarin a awl a, JSY scheme chhawr tangkaitu mi 464 awm tawhin JSSK beneficiary 392 an awm a ni.

Serchhip district leh
central scheme
# Job card nei 16033 tan December 2023 thleng khan inhlawhna ni 69 siamsak an ni.
# PMAY-G ah beneficiary chhungkaw 426 chu sawrkar laipui RD ministry chuan a pawm a, heng zinga 266 tan sanction pek chhuah a ni tawh.
# Jal Jeevan Mission hnuaiah PHE chuan thingtlang khuaa chhungtinin mahni ina tui an herh haw theihna – Functional Household Tap Connection 7147 pe chhuakin chhungkaw zaah za an tuamchhuak tawh.
# An district hi ODF plus model category-a puan a ni tawh.
# PM-Kisan ah loneituten hamthatna kum khatah Rs.6000 an dawn theih nan hma lak a ni a,an district atanga dil zawng zawng uluk taka enfiah an nih hnu ah a dawng thei tur 5747 thlanchhuah an ni.
# e-KYC, APBS fel thlap chu kumin January hian 16th instalment pek tum an ni.