Phar pual Pathianni hmang

January 28, Pathianni kha Mizoram Baptist Kohhran (BCM) ni pawimawh ‘Ph^r pual Pathianni’ a ni a, tualchhung kohhran hrang hrangten he ni pual hian hun an hmang.
Chawhma inkhawmah he ni pual hun hi hman niin, Isua’n pharte a ngaihpawimawh zia leh a hnungzuia pharten taksa leh thlaraua damna an neih theih nana thawh a pawimawh zia thuchah ngaihthlak a ni.
The Leprosy Mission (TLM) a hruaitute chu hmun hrang hrangah insem darhin he ni pual hian kohhran hrang hrangah hun an hmang a. Kohhran thenkhatah chuan TLM member tharte certificate hlan an ni. Ph^r pual Pathiannia thawhlawm hi BCM Hqrs. ah thehlutin ph^rte enkawlna atan hman a ni ang.
India ramah The Leprosy Mission hian ph^r enkawlna damdawi in 14 a nei a. Ph^r dam lehte eizawnna tur zirtirna – Vocational Training Centre 6 leh Mercy Home 5 a nei.