Second khat chhungin cheng nuai 400 kan hlep – K Sapdanga

ZPM sawrkar chuan MLA-te tan lirthei thar lei loh an tih vang ringawt pawhin second khat chhungin cheng nuai 400 sawrkar sum an hlep nghal tih an woring president K Sapdanga chuan a sawi.
Thawhtanni khan an party office-a inkhawmah ZPM working president chuan sawrkar tharin inrenchem tur a tih chu an sawrkar ni khat ni atanga tan nghalin, MLA tharten a thlawna lirthei cheng nuai 10 man an dawn theih chu tihtawp a ni a, second khat chhungin cheng nuai 400 an hlep nghal ringawt tih a sawi.
Chief minister tiamin minister-ten car pakhat leh support car pakhat chauh an kawl tak bakah chief minister leh minister zin inzui vak vak tihtlem tumin a hautak lo zawnga hma lak a ni tih Home minister K Sapdanga hian a sawi a. Chutihlaiin loh theih loh chin awm erawh hriat thiam a ngai tih a sawi.
Zirlaiten minister hmuah khap a nih bakah inzawn khap a ni tih a sawi a. Minister leh MLA-ten thawktu leh an dawn theih tam tak a zatvea tihhniam niin, office leh bangla bungraw thar lei rih loh a ni tih a sawi. Sawrkar kum thar tur, Year of Consolidation-ah puangin, kumhlui November leh December sawrkar hnathawk hlawhte thlatirah pek a ni a, SEDP sem bang vaibelchhe 150 atangin 120 chu thlai thar lei nan dah nghal a ni a, sawrkar sum mimal account-a dah lo inchingfel tura ngen an ni tih te a sawi bawk.
Resource mobilise-na lamah entitlement theuhah lungawi tura ngen an ni a, minister-in hma an hruai a, zui turin official-te an cho a, sawrkar hnathawk aikal lak chungchangah chak taka hma lak nghal a ni tih a sawi a ni.
Zoram mipui hlemhletna do turin an sawm tih K Sapdanga hian a sawi a. Car leh man power entitlement, service rules leh manual-in a sawite zawm vek turin an inphut a, Police department-ah chuan February chhunga inchinfel an tum a, an hnung zui turin department tinte an sawm tih a sawi.