Manipur chungchangah PM a ngawi tlat – Congress

Congress te chuan February 4 khan Prime Minister Narendra Modi chuan Manipur chungchangah ‘ngawih a la chuh zui zel’ tia sawiin a ngawih tlat vangin Manipur mipui te pawi nasa tak a sawi a ni an ti bawk.
Congress tena PM Modi an sawisel hma lawk ni ah Manipur Chief Minister N Biren Singh chuan Home Minister Amit Shah a hmu thung a.
Congress general secretary Jairam Ramesh chuan, “Thla kua a chuang tawh a, Manipur chungchanga ngawih la chuh tlat PM nen meeting la nei lo” tiin Biren Singh leh Shah meeting neihna media report a tarlang zui a. “Road show nei turin PM in Guwahati apan a, mahse, Imphal chu a kal thei lo” tiin a sawi bawk.
Shah nena Singh an inhmuh hnuah Singh chuan Centre chuan Manipur state mipui te tana tha turin thutlukna a siam vat dawn tiin a sawi a. Meeting neihnaah Manipur chungchang thil pawimawh chungchuang te sawi dun a ni tiin a sawi bawk a.
“Manipur State chungchang pawimawh tak khunkhan takin kan sawi dun a ni” tiin Biren Singh chuan Shah nena an inhmuh hnuah a sawi a. “Shah nena kan inhmuh tawh hnuah Ministry of Home Affairs, North Block a senior official te nen kan inhmu bawk a. Manipur a remna leh muanna a awm theih nana ruahmanna awmte kan sawiho a ni” tiin a sawi bawk.
May 3, 2023 khan Manipur-ah hnam leh hnam anga buaina hill district a tribal solidarity march neih hnuah a chhuak a, chu chu majority Meitei community tena Scheduled Tribe status an ngiat duh lohna lantirna a ni.
Khata tanga buaina chhuak zuiah tharumthawhna nas atak thlengin mi 200 chuangin nunna an chan phah tawh a.
Kuki te chuan Manipur sorkar atanga inla hrangin seperation administration an ngiat a, Meitei group ten chu chu an remti der lo thung a, legislator te chu an vau zui nghal bawk.
Manipur mipui 53 per cent vel zet chu Meitei te niin Imphal Valley ah an cheng ber a, tribal te Naga leh Kuki te chu 40 per cent vel niin hill district ah an cheng thung.

MGNRES tihtawp tum
Mahatma Gandhi National Rural Employment Guarantee Scheme (MGNREGS) kalpui tan kum 18 naah senior Congress leader leh Rural Development Minister hlui ni bawk Jairam Ramesh chuan narendra Modi sorkar chu MGNREGS tihtawp tumah a puh.
MGNREGS hi kum 2004 Congress election manifesto kha niin thuneihna an chan atanga kum khat chhunga kalpui nghal niin Act angin August 23, 2005 khan passed a ni. He programme hi gamechanger tih niin February 2, 2006 khan kalpui tan a ni.
“Kum 18 chhunga research neihah he scheme hian rural income a tipung a, retheihna leh riltama a tihniam nasa a, hmeichhia leh SC/ST/OBC worker ten an hlawkpui ber a ni. He scheme hnuaiah hian employment chu rewari ni lovin right a ni” tiin Ramesh chaun a sawi.
BJP sorkar chuan MGNREGS chu nuaibo tuma kawng hrang hranga hma la in – budget ah an dah tlem a, Aadhaar-based payment system hmangin registered worker 34% an paih tawh a, job card crore sarih paihin smartphone-based attendance system te kalpuiin he programme hi tihhlum an tum a ni, tiin Ramesh chuan a sawi.
“PM capitalist friend te hian MGNREGS hi an duh lo va, PM chuan Congress te programme kalpui chu mirethei ten chhawr em em mahse tihchhiat vek a duh ang. Chuvang a nia MGNREGS pawh nuaibo a tum” tiin Jairam Ramesh chuan a sawi bawk.