Hassan unau lakah Egypt-in rinna an nghat

Egypt chuan an ram tana goal khung hnem ber ni mek kum 57 mi Ho-ssam Hassan chu tech-nical director thar ni turin an senglut a, a phirpui Ibrahim Hassan chu na-tional team manager thar atan an lalut ve bawk.
2023 Africa Cup of Nations last 16 lut zo loa an tlak hnu lawk Pathian-ni khan Pharaohs hian an head coach chhawr lai Rui Vitoria an ban a, mithar senglut nghalin, technical director thar pawh puan nghal a ni a, kum 1986, 1998 leh 2006-a Egypt tana Africa Cup of Nations trophy lo chawi tawh Hossam an ruai fel a, Hassan unauin national team-ah hmun pawimawh ber ber an luah zui ta a ni.
North African team hian Africa khawmualpui ramte football-a inelna sang ber khelh mekah DR Congo chu extra time khelh zawh thleng 1-1-a inhnehtawkpuiin, penalty petah an vanduai a, knock out round lut zo loin Mohamad Salah leh a thiante’n an puanthuah an tel fel tawh a, team chhungah insiksawinain a zui ta a ni.
Record siama Afri-can champion tum sarih ni thei awmchhun Egypt technical director thar Hassan hian, tarlan tak angin, ram tan Nations Cup title pathum a hlawh-chhuah tawh bakah kum 22 chhung khan Fifa-recognised game 173 khelin goal 67 a tilut tling a; a phirpui Ibrahim phei chuan ram tan la khel tam zawkin, game 100 chuang a khel tling.
Egyptian Football Association chuan X-ah Thawhlehnia board of director rual thukhawm thutlukna siam hi an tarchhuak a, Hassan unau lakah rinna an nghat ta phawt a ni.
Technical director thar Hossam Hassan hian kum 2008 atang khan coaching lam luhchilh tanin, tum hnih Cairo giants Zamalek a enkawl tawh bakah Egyptian club dang engemawzat a lo hrual tawh bawk.
2014 World Cup qua-lifiers khelh lai khan Jordan boss niin, inter-continental play-off lamah a team enkawl chuan Uruguay an hneh zo ta lo a nih kha.
Egypt hna pawimawh a chelh hnua a compe-titive match hmasa lam turte chu kumin June thla 2026 World Cup quali-fiers-a Burkina Faso leh Guinea-Bissau an sut turte hi a ni.
Pharaohs hian nikum November khan an coach ban tak Vitoria hnuaia an qualifiers match hmasa pahnih atangin point ruk an khawl tawh a ni.