Hnahthial damdawi in sak thuai tum

Hnahthial District Hospital sakna tur sum leh tuldang peih fel a ni tawh tih Health & Family Welfare minister Lalrinpuii chuan a sawi.
Hnahthiala ‘National Deworming Day’ hawnna a hmanpuinaah Health minister hian Hnahthial District Hospital building changtlung tak, cheng vaibelchhe 17 man sak thuai tura peihfel a ni tawh a, Health and Wellness Centre pawh sak tum niin, damlo leh mipui vantlang tan chhenfakawm tak a nih a beisei thu a sawi.
Zoram Medical College thuamthat nan chief minister-in immediate relief atan cheng vaibelchhe 1.4 a ruahman sak thu sawiin, health sector lama harsatna tam tak a phuhruk theih a beisei tih a sawi a ni.
National Deworming Day kaltlang hian kumin February chhung hian Mizorama naupang kum 1-19 inkar hnenah rulhut damdawi sem a ni a, NDD hman ni a ei remchang lo tan February 16 hian sem a ni ang.