HSLC/HSSLC distinction tan laptop tha MLA-in tiam

Thorang bialtu MLA Er R Rohmingliana chuan an bial atanga HSLC leh HSSLC exam-a distinction-a pass chin tan laptop tha tak pek vek a tiam.
A bial chhung khaw hrang hrang tlawha zinkual mek Er. R Rohmingliana hian Nilaini khan Govt. Lungsen High School leh Higher Secondary School a tlawh a. HSLC leh HSSLC Exam an neih dawn avanga zirlai, study camp-a awmte fuihna thu a sawi. Thorang bial chhung zirna in atanga HSLC leh HSSLC a distinction-a pass zawng zawng laptop tha tak pek vek a tum thu a sawi bakah an camp chhunga an ei leh in senso atan sumfai a hlan bawk.
Zoram pum huap Mizoram Baptist Kohhran Hmeichhe Pawl (MBKHP) inkhawmpui lian vawi 51-na Lungsen khuaa nghahah a thlengtu chhungkaw hrang hrangte puih nan MLA hian buhfai bag pik-up trip khat Lungsen V/C-I leh II hnenah a hlan a ni.