Zirlai tithate leh hna hmu thar lawmpui

ZoCareer Solutions Chanmari Aizawl chuan Mizorama pawl 12 Science subject zirlaite tana inelna a buatsaih, Pre NEET/SMATEE 2024-a top 10 a langte lawmpuina leh tunhnaia ZoCareer Coaching Institute hnuaia hna hmu tharte chawimawina a buatsaih.
Hmanpuitu School Education minister Dr Vanlalthlana chuan entrance pawimawh tak taka inziaktlingte chu lawmpuiin an hmalam hun atan duhsakna a hlan a. An zir tur a bula atanga tha taka tan a, tumruhna nei a, an hlawhtling nghal lo a nih pawhin teirei peih turin a chah. Hnaruaka inziaktlingte pawh lawmpuina hlanin, mahni hnaa inpe ramin a mamawh tih a sawi.
Pre NEET/SMATEE 2024 top 10 hian sumfai leh lawmpuina thuziak an dawng a. Hnaruak tunhnaia hlawhtlinna chang mi 18-te hnenah lawmpuina thilpek hlan a ni.