Tui tla ruang hmu tawh

February 19 chawhnu dar 1.00 vela Bairabi North huamchhung Tlawng lui Licheng Kaia tla tlangval pahnih ruang chu February 20 chawhma lam khan an tlakna bulah hmuh an ni.
Thudawn danin, tui tla pakhat H Vanlalchhanchhuaha (18) s/o Lalhruaizela, Champhai Vengsang ruang hi chawhma dar 10.30 vel khan an tlakna atanga metre 5 velah hmuh a ni a; VL Chhanchhuaha (18) s/o K Lianmawia, Chhingchhip Mualpui ruang hi chawhma dar 10.55 velah an tlakna atanga hla lo teah hmuh leh a ni.
Tlangval pahnihte hi an pa te truck driver ve ve an ni a, Bairabi rel station-a FCI kudam atanga buhfai phurh tum, load chang mek an zui a ni. Tlawng luiah inbual tura an kal chu an chesual ta a ni.
Tui tla zawn hna hi Bairabi khawtlang bakah Sairang atangin tui thiam engemawzat an chhuak a, tlaivara an zawn hnu ah chawhma lam hun inhnaih takah hmuh an ni ta a ni.