Gulf ram ten J&K ah investment ti duh tih an duh : PM Narendra Modi

Prime Minister Narendra Modi chuan February 20 khan Jammu & Kahsmir ah Rs 32,000 project tlangzarhna neiin Article 370 nuaibo chuan rahtha a chhuah zel tia sawiin ‘Gulf ram ten investment tih an duh a ni’ tiin a sawi a, thalaite chu dynatic politics an kalsan avangin lawmthu a hrilh bawk.
“BJP te chuan mipuite duhthusam a tihlawhtling a, tun hnai kum 70 chhunga Jammu & Kashmir a mipuite duh te chu a tihlawhtling a ni. Modi guarantee chu a tawp thleng a ni zel a, mitin te duhthusam tihhlawhtlin a ni ang. Tun hma chuan chanchin lawmawm lo bomb puak, inrukbo, inlakhran tuma te Kashmir atangin a chhuak thin a. Tunah erawh zirna, connectivity leh development ten chung te chu a thlak ta. Tunah chuan J&K chuan hmasawnna kawng a zawh mek a ni” tiin Jammu a Maulana Azad Stadium a mipui pungkhawm hnenah a sawi.
Modi chuan sector hrang hrang education, health, aviation, roadway, railway etc te siamna tur Rs 32,000 crore project lungphum a phum a ni.
“Kashmir in hmelthar a hmu tawh a. J&K leh ram chhung hmun dang daidangtu lian ber chu Article 370 a ni. Ch chu BJP ten kan paih tawh a. Tunah chuan hmasawnna tinte a rualin a kal tawh a ni. Article 370 nuaibo khan BJP ten seat 370 leh NDA ten seat 400 kan lak theih phah kan ring a ni” tiin Modi chuan a sawi bawk.
Article 370 hman a nih lai chuan soceity a chi hrang hrang hmeichhia, refugee, Valmikis, Safai Karam Charis, Paharis, Kohlis, Scheduled Tribe tena an democratic rights neih tur a dal a ni a ti bawk a.
Article 370 pualin movie siam a nih thu sawi bawkin ‘chu mi hmang chuan Article 370 nihna dik tak mipui ten an hriatfiah zual phah ang’ a ti bawk a. Prime Minister chuan tun hnaia Gulf ram tlawha a zinnaah pawh Kashmir a investment tih an chak a ni a ti bawk a.
“Kashmir a investment tih duhna lian tak a awm a. India rama G20 meeting leh Srinagar a neih khan khawvel a fan chhuak a. Tun hnai kum khat chhungin J&K tlawhtu vaibelchhe khat chuang an awm hial a. Rel kawng kan tilian mek a, Srinagar leh Jammu bakah Jammu atanga Delhi panna te tihlenin khualzin tam zawk an lo kal dawn a ni” tiin a sawi bawk.
Congress, National Conference (NC) or Peoples Democratic Party (PDP) te hming sawi lang si lovin PM Modi chuan Jammu & Kashmir chuan dynatic politics a tuar a ni a ti a. “Heng dynasties te hian mipui te ni lovin anmahni tanghma bak an hai lo. Dynastic polices tuartu ber chu thalai te an ni a, an tan welfare scheme an kalpui duh lo a ni. J&K chuan dynasty politics a hnawl thei hi ka lawm a. |halai zawk ten politics thar siamin J&K hmalam hun an ziak mek a ni” tiin Modi chuan a sawi bawk.
Modi chuan J&K ah IIT pahnih, AIIMS pahnih, medical collede pariat leh nursing leh para medical colleges 45 hawn thar a nih thu a sawi a. “Tun hma chuan school te hal a ni a, tunah chuan school te cheimawi a ni ta. J&K chu zirna hmunpui a ni tawh a. In lakah rinna ka nghat tlat a ni” tiin a sawi bawk. Jammu & Kashmir-ah hian firfiakna kaihhnawih chu 75% in a tlahniam a ni.