Kut laiin hnam thuamin

Chapchar Kut 2024 chu Mizoram pumah March 1 hian lawm tur a ni a. Hemi puala Mizoram General Administration Department (GAD) thuchhuah chuan Chapchar Kut chu Mizo hnam ziarang hlutna leh nunphung chawilarna Kut pawimawh a ni a. State sawrkar hnuaia thawktu zawng zawng leh public sector undertaking, boards, bodies leh agencies hrang hranga thawkte chu February 26-29 chhung hian office-ah Mizo hnam thuam inbel vek tura hriattirin a ngen.