Vice president lokal dawn Kawngsira indah remti lo

Vice president of India Jagdeep Dhankhar chu vawiin, February 26 hian Aizawlah a lokal dawn a. Assembly Budget Session neih mekah thu a sawi dawn bakah Mizoram University Convocation 18-na a hmanpui ang.
MZU Convocation hi chawhma dar 11.00 a tan tur a ni a, a hmanpui zawh veleh Assembly House a pan anga, chawhnu dar 12.45 a thleng tura ruahman a ni. House-ah thu a sawi hnu ah House member-te nen thla an la anga, hemi hun hian Lengpui Airport a pan leh nghal dawn a ni.
Hriat danin, Jagdeep Dhankhar hi India vice president zinga Mizoram Legislative Assembly House-a vice president pahnihna tur a ni a. 2022 March 10 khan khatihlaia vice president M. Venkaiah Naidu chuan thu a lo sawi tawh a ni.
Vice president a lokal dawn avang hian a kalna tur kawngah tih khawmuana harsatna a awm phah lohna turin sawrkar chuan ruahmanna a siam a. Dan tlawhchhana senior SP Traffic chuan mipui zawm tur thupek a tichhuak a. Addl district magistrate Aizawl pawhin dan hmangin mipui hriat tur a tichhuak bawk.