Tunlai thiamna hmanga mitdel inzirna tur zir

Mizoram Blind Society, Saksham Trust New Delhi leh SCERT Mizoram tangho chuan Mizorama mitdel leh khawhmuh lama hrasatna nei zirlai leh anmahni zirtirtute tana tunlai thiamna thar zawk hmanga inzirtir dan tur an zir.
Mizorama blind school zirtirtute leh B.Ed.Spl. Edu. (Visually Impaired Studies) zirlaite zirtir an ni a. Mizoram Blind Society (MBS) member zinga mitdel zirlai leh MBS hruaitute tan tunlai technology thar hmanga awlsam zawka lehkha zir dan leh a kaihhnawih thil hrang hrangah Saksham Trust atanga mithiam lokalten zirtirna an pe a ni. MBS member zinga mitdel zirlaite leh MBS hruaitu mi 50 thlanchhuah hnenah Saksham Trust hian mitdelte hman tur atan a siam Android tablet an sem a, tablet hi HDFC Foundation Mumbai-in sum a tum hmanga lei a ni.
Hetiang training hi Mizoramah a vawikhatna a ni.