PM Modi an Sudarshan Setu hawng

Prime Minister Narendra Modi chuan February 25 khan India rama cable-stayed bridge sei ber 2.32 km laia sei, Arabian Sea leh Beyt Dwarka island, Gujarat a Devbhumi Dwarka district a mainland Okha thlunzawm tu chu a hawng.
PM Modi hian lei a hawn hma in Beyt Dwarka a Lord Krishna temple ah a tawngtai phawt a ni.
A hnuah four lane cable-stayed bridge ‘Sudarshan Setu’ design danglam tak, a footpath a Srimad Bhagavad Gita verse inziahna leh a lehlam lehlama Lord Krishna thlalak intarna chu a hawng zui a ni.
He lein 2.32km a sei ah hian central double span cable-stayed portion 900 metres a sei a hamng a, apporach road 2.45 km a sei sial a ni bawk a, lei dawh nan hian Rs 979 crore hman a ni bawk.
Four lane 27.20 metre wide bridge hian a sir lehlam lehlamah kea kalna 2.50 metre a zau a nei bawk.
He lei hi a hma chuan ‘Signature Bridge’ tih a ni a, tunah erawh ‘Sudarshan Setu’ emaw Sudarshan Bridge tia thlak a ni ta a ni.
Beyt Dwarka hi Okha port bula thliarkar niin Dwarka town atanga 30km a hlaa awm niin Dwarkadhish temple of Lord Krishna hmingthang tak awmna a ni.
A hma chuan Beyt Dwarka a temple tlawh tum te chuan chhunah chauh lawng in an pan thei a, tunah chuan lei hmangin eng hunah pawh harsatna awm lovin an pan thei tawh ang tiin official te chuan an sawi.