Kuhva rah bag 970 man

Dan loa Mizorama kuhva ro lakluh truck 8 phur, bag 970 chu Ningani zing khan Saitual Police-ten an man.
Mizoram Police hotute sawi danin, an thu dawn bawhzuiin Saitual Police hian dan loa kuhva rah hring leh ro phurtu truck 8 manin, kuhva rah bag 970 (kg. 60,100) an man a, a vaiin cheng Rs. 46,00,000 hu a ni.
Heng an man hi Buhban, Buhban Vanzau kawng, North Lungpher leh Khanpui khuaah te a ni a. Lirthei thenkhat hi Hmunnghak, Khanpui leh Buhban NGO duty-ten an lo tiding a ni. Kuhva rah hring bag 300 niin, a ro bag 370 a ni a, an thil man zawng zawng hi Custom Preventive Force Seling hnenah hlan nghal a ni.
Truck khalhtute leh an bungraw phurh zat chu – MZ 04 A /1906 (810 mini truck) khalhtu Thangliana (24) Champhai Zotlang inti, kuhva rah neitu hi Manuni Kolasib khua nia sawi a ni a, kuhva hring bag 100 a phur.
MZ 04 2094 (810 mini truck) khalhtu Lalthantluanga (30) Champhai Venglai inti, kuhva rah neitu Laipianga, Champhai Tlangsam nia sawi a ni a, kuhva hring bag 100 a phur.
MZ 04 A 3610 (810 mini truck) khalhtu Lalthlandika (34) Champhai Zotlang inti, kuhva neitu Manuni, Kolasib nia sawi a ni a, kuhva hring bag 100 a phur.
MZ 04 A 5668 (SML) khalhtu Mansianlanga (27) New Champhai inti, kuhva neitu John-a Champhai nia sawi a ni a, kuhva rah ro bag 65 a phur.
MZ 01 W 0389 (Ashok Leyland) Chindeihsuana (41) Champhai Bethel inti, kuhva neitu John-a Champhai nia sawi a ni a, kuhva rah ro bag 110 a phur.
MZ 01 W 5585 (Ashok Leyland) khalhtu Nicky VL Pianga (36) New Champhai inti, kuhva neitu John-a Champhai nia sawi a ni a, kuhva ro bag 110 a phur.
MZ 04 A 6421 (407) khalhtu Ngungsuankhaia (19) Champhai inti, kuhva neitu Hluna, Champhai Zotlang nia sawi a ni a, kuhva rah bag 45 a phur. MZ01 N 2113 (407) khalhtu Thangvanliana (28) Champhai Bethel inti, kuhva rah ro bag 50 a phur.