Loneitute tan PM KISAN ah puihna sum dawn theih

Sawrkar laipui ruahmannaa loneitute tuamhlawma pui ber PM KISAN hnuaia a sumfaia puihna dawngtute bank account-ah thun mek zel a ni a. Loneitu zinga ngaihven duh tan an hnenah a ngaihven theih tih Agriculture department chuan an sawi.
Prime minister Narendra Modi chuan Yavatmal Maharastra atangin inbiak hmuh theihna hmangin Nilaini tlai khan Direct Benefit Transfer-in India ram kuthnathawktute vaibelchhe 9 chuang hnenah pawisa a semchhuak a. He scheme-a inziaklutte chuan thla 4 danah Rs. 2000 zelin, a vaiin Rs. 6000 an account-ah DBT hmangin kum khatah an dawng thin a. Hei hian development ringawt niloin farmers welfare a keng tel tih tarlanna a ni. An sum dawn hi chhungkaw mamawh bakah an huan thlai enkawl nan hman theih vek a ni.
Kum 2023- 2024 ah hian, 2023 April – July chhung khan ram puma loneitu 40531 hnenah 1st instalment atan cheng nuai 1464. 40 sem a ni a. August – November ah 2nd instalment hi loneitu 55656 hnenah cheng nuai 1941.76 sem a ni. 2023 December – 2024 March chhung hian 3rd instalment sem leh mek a ni a, loneitu 96911 hnenah cheng nuai 5145.50 sem tura ruahman a ni.