Thenzawlin stadium ngen

Thenzawl khawtlang chuan naupang leh thalai infiammite tan sports stadium/ football stadium puitling siamsak turin Mizoram sawrkar an ngen.
Thenzawl Zone Football Association (TZFA) bultumin Thenzawla village council, political party hrang hrang, NGO – Vantawng Group YMA, Thenzawl Joint YMA, Area MUP leh Joint MHIP aiawh thukhawm chuan, Mizoram sawrkarin Thenzawlah sports/ football stadium puitling siamsak tura an ngen thu an rel.
TZFA president Liantluanga Renthlei kaihruai khawtlang huap inrawnkhawmah hian Thenzawla sports/ football stadium dah tura ngenna a hlawhtlin theih nan lungrual taka hma lak nise, a hmun atan AH & Vety department ram, Thenzawl Venghlun chu sawrkarah ngen nise an ti.
An ngenna hi bialtu MLA, chief minister Lalduhoma leh Sports & Youth Services minister Lalnghinglova Hmar bakah sawrkar mi pawimawhte pek vek an rel a, a tul anga lo bawhzui turin TZFA an ruat a ni.