David Rush-a’n record a siam leh ta

David Rush-a’n record a siam leh ta
Idaho pa, Guinness World Record siam lama mikhual lo tak mai David Rush chuan record a siam leh ta. Tun tum chu a record miin an khum tawhah record a siam thar leh a, a lu chauh hmanga balloon pahnih boruaka awm rei tir thei ber record a siam.
David Rush hian Guinness World Record 250 chuang a siam tawh a, mahse, a record siam thenkhat chu midangin an rawn khum ve leh thin a, tuna a record dinglai chu 162 a ni. Tuna a record siam ang hi 2018 khan a siam tawh a, balloon pahnih lu chauh hmanga boruaka awm rei tir thei ber record a ni a, chumi tuma a record chu minute leh second 12 a ni.
Mahse, he record hi 2019 khan balloon ‘head’ thiam dangin an rawn khum a, record thar chu minute 6 leh second 34 a ni ta daih mai.
Rush chuan, “Hetiang record siam tur hian thiam thil mai bakah, concentration a pawimawh. Balloon pahnih chu a inchhawk a tauh zel tur a ni a, balloon te chu an intawk fuh tur a ni lo bawk. Chuvangin thil harsa ve tak mai a ni,” a ti.
Rush chuan a record title la let tur hian a inpuahchah nasa hle niin a sawi a, tichuan a record thar chu minute 13 leh second 58 a ni ta a ni.
David Rush hian kumin atana hmachhawp a neih chu Guinness World Record dinglai ngah ber nih a tum a, tuna hetiang record siamtu chu Italian Silvio Sabba niin, ani hian Guinness World Record title 182 a kawl mek a, David Rush hian tunah record title 162 kawl mekin, record title 20-in a la pha lo.