Nikumah aiin kuminah ganja man hnem tawh

anuary leh February a liam chauh a, hemi chhung hian excise force te’n nikum kum tluana an man aia tam ganja an man der tawh!
Ganja hi engemaw lai atang khan a hluar tha leh an ti a, man tur pawh a pung a ni ang. Mizoram Excise & Narcotics (MEN) department-in an chhinchhiah danin, nikum khan kum tluanin kg 179.233 an man a, kuminah January leh February-ah khan kg 238.633 an man.
March thlaah pawh ganja hi an man belh zel a, hriat theih chinah pawh kg 100 chuang chu an man tawh. March ni 6-ah pawh khan a hlawmin kg 112 an man a, kumina an man tawh zat hi a tam hle turah ngaih a ni.
Ganja hi 2018-ah khan kg 187.568 an man a, 2019-ah kg 370.068, 2020-ah kg 127.449, 2021-ah kg 376.204, 2022-ah kg 152.214, 2023-ah kg 179.233 an man.
MEN department hotute sawi danin, ganja hi engemaw lai atang khan a thalai thenkhatah a hluar a, kum lama la naupang tak tak, tleirawl thlengin ganja han zu ve mai hi an awm thin. Zirna in thenkhatah pawh ganja zu an awm avanga an zirtirtute’n MEN department lam an biak chang a awm.
Ganja hi khawvel mi larteah zu thin an awm a, hei hi thangthar thenkhat tihhmuhtua ngaih a ni a, thenkhat chuan sualah pawh ngai lovin an zu ve mai nia sawi a ni.