Kohhran Hmeichhe rorel inkhawm

March 8-10 chhung hian Dawrpui Presbyterian Kohhran biak inah Kohhran Hmeichhe rorel inkhawm vawi 12-na neih a ni a. Thupuiah ‘Thih thlenga rinawm’ (Thupuan 2:10) hman niin, speaker atan Synod senior executive secretary Rev C Zorammawia a ni.
Zirtawpni zan khan palai lawmna leh report inkhawm neih a ni a; vawiin – Inrinni nilengin rorel a ni anga, zanah vantlang Pathian biak inkhawm neih a ni ang. Pathianni chawhma, chawhnu leh zanah vantlang Pathian biak inkhawm neih a ni anga, speaker hnen atangin thupui ngaihthlak a ni ang.
Kohhran Hmeichhe inchhiarna hnuhnung bera a lan danin, tunah hian Kohhran Hmeichhe member 192490 an awm a, member tamna ber bial chu Champhai Vengthlang niin member 2992 an awm a, member tlemna ber bial Buarpui bialah member 38 an awm.