MZP-in CAA Rules hal AMC hnalak sut an phut

Citizenship (Amendment) Rules 2024 duh lohna lantirin Mizo Zirlai Pawl chuan he Rules copy hi Thawhlehni khan an hal.
Sawrkar laipui chuan March 11 khan Citizenship (Amendment) Rules 2024 hi a tichhuak a. North East Students’ Organisation (NESO) in tunhma atanga a dodal tawh a nih avangin, hmarchhak state tinah NESO-a tel zirlai pawl ho chu a copy hal tura tih an nih angin MZP chuan Citizenship (Amendment) Rules 2024 copy h MZP Pisapui kawtah a hal a ni.
MZP Gen. Hqrs. hian Aizawl Municipal Coorporation hnuaia hna, geologist pathum leh Urban Animal Husbandry & Veterinary officer, junior engineer leh assistant account officer pakhat theuh lak danah dan kalha thiltih, mimal induhsakna uchuak tak nen lak nia an hriat thu sawiin, ‘Dan angin advertisment chhuah a nih loh bakah state sawrkar phalna an lak hriat a ni loa, danin a sawi angin MPSC emaw MSSSB kaltlanga lak a ni lo bawk,’ a ti. Heng hna lak hi tun kar (March 15) ralhmaa sut turin AMC hotute a ngen tih a sawi a ni.