YMA kum 50 tlin lawm

Rajya Sabha MP K Vanlalvena chuan Thawhlehni khan YMA Rawpui Branch Golden Jubilee lawmna a hmanpui a, YMA Run building thar a hawng nghal.
MP chuan Rawpui khuain sawrkar puihna tel loa concrete building tha tak, a chhawng hial nei theia YMA Run an sa leh kum tam tak atanga library changtlung tak an lo nei daih tawh chu fakawm a tih thu a sawi a. YMA chu ram leh hnam humhalhtu ber, India ram ang pawh nise, state dangah hetianga mi nawlpui tel theihna pawl hi an nei ve lem loa, hei hi Mizote kan vanneihna a ni, tiin a sawi.
Hnahthial district-a awm, Rawpuia YMA Run sak hi Zopa chhiara chhawng hnih a ni. He hunah hian Central YMA finance secretary MS Ralte chu khualzahawm a ni.