District tharah DTO din hnai

District thar pathumah District Transport Office-a thawktu dah tumin hma lak a ni tih Transport minister Vanlalhlana chuan a sawi.
Assembly Session-a zawhna a chhannaah minister chuan, DTO hawng tura harsatna ber, thawktu indaih lohna a nih avangin lak phawt a ngai a, Finance leh DP&AR in hna lak an phalsak angin, motor vehicle inspector (MVI) 3, LDC 3, Enforcement Sub Inspector 6, Group D staff 3 lak remtih a ni tawh a, heng staff hi an lak fel a, building a awm tawh bawk chuan office an kalpui thei mai dawn tih a sawi
Tunah hian an department-in Vairengte ah weighbridge a dah a; Champhai, Kanhmun leh Phunchawnga dah belh a tum mek a, Green Hills Insfrastructure Mission Veng-in a buaipui tih a sawi a ni.
Two/four wheeler taxi permit pek thar chungchangah a ngaihtuahtu tur State Transport Authority-in pek belh a ngaih dan leh a awmsa in mipui mamawh a phuhru zo em tih uluk takin a ngaihtuah anga, an ni thurawn ang hi sawrkar kal dan tur chu a ni, tiin a sawi a ni.