Hna thar thawk loa awmna chhuahsan lo turin chah

Lok Sabha MP inthlanpui hun puan a nih tak avangin district tina sawrkar hotute chu an department hnuaiah hna thar thawk lo tur leh phalna la hmasa loa an awmna (post) chhuahsan lo tura hrilh an ni.
Inthlan atan hian model code of conduct hman a nih tawh avangin district election officer tin chuan an district chhunga sawrkar department ho chu inthlan puan ni atangin hna thar engmah thawk tan/ kut thlak lo turin thupek an chhuah a. District tina sawrkar officer-te chu phalna la hmasa loa headquarters chhuahsan lo tura hriattir an ni.
Head of office-te chu inthlan puan atanga darkar 72 chhung (2024 March 19 chawhnu dar 3.00 thleng) hna thawh mek leh hna thar, kut la thlak tan lohte an DEO hnena report vek tura hriattir an ni bawk.
Phalna la hmasa loin mimal hmunhmaa politic kaihhnawih advertisement tar chhuah zawng zawng chu inthlan puan atanga darkar 72 ( 2024 March 19) chhun dar 12.00 hmaa lak thlak vek tura tih a ni.