Khawtlang an inngen

Tuikual South ami V Lalhmingthangi tualthih chungchangah nunna chan leh pawikhawihtua puh awmna khawtlang hruaitute chuan vengchhung leh mipui ngenna thuchhuah an siam.
Tuikual South All NGO’s chuan, he chhiatna thleng hriat a nih veleha chak taka hma laksaktu police, a hmuna a tul anga puibawmtu Chhinga Veng leh Dawrpui Veng Local
Council leh YMA chungah an lawm tih an sawi a. Pawikhawihtu man chhuahna kawngah police hmalakna an fak a. Chiang taka thudik hailan a nih thuai theihnan police hmaklakna a theih anga tawiawm tur leh hmalakna tithuanawp zawnga che lo turin an inngen tih a sawi. Social media lama thu hriat apiang tidarh lo tur leh mipui fuihpawrh zawnga tawng insumkar hram hram turin an inngen tih an sawi a ni.
Ramhlun North Local Council pawhin Pi V Lalhmingthangi, Tuikual South rawng taka thah a ni chu an khawtlang chuan lusun chhungte an tawrhpui takzet tih a sawi a. Tualthattua rinhlelh Irene Lallawmzuali w/o Lallungmuana chu Mizoram khua leh tui diktak niin, an chhungkua hi kum kalta tawp lam khan Ramthar North huamchhungah mi in luahin an inbengbel nia an hriat thu leh Local Council chuan an hnen atang hian pem lehkha dawn an neih loh thu a sawi.
‘Tualthahna duhawm lo tak lo thleng hi kan khawtlang chuan pawi a ti takzet a. Tualthattua puh rang taka chhuichhuah kawngah police-te an fakawmin, an chhuanawm a. Hetiang thil duhawm lo hi kan ramah thleng tawh lo se tih hi Ramthar North khawtlang chuan kan duh a ni,’ a ti.