April 19 atangin Lok Sabha inthlan

India chuan April 19 a\anga June 1 inkar chuhngin inthlanpui a nei dawn a, inthlan hun chhung rei tak hi thawh sariha neih tur niin 18th Lok Sabha member 543 tur thlan a ni dawn a ni. Lok Sabha inthlan rual hian Andra Pradesh, Odisha, Sikkim leh Arunachal Pradesh Assembly election neih nghal a ni dawn bawk.
Lok Sabha inthlan neih hun tur hi April 19, April 26, May 7, May 13, May 20, May 25 leh June 1 te a ni dawn a. Bihar, West Bengal leh Uttar Pradesh-ah te chu inthlan thawh sarihah an tel vek dawn thung a, June 4 ah vote chhiar a ni ang.
Arunachal Pradesh leh Sikkim voters te chuan April 19 ah Assembly election atan ballot an thlak ang a, Andra Pradesh erawhin May 13 ah anthlak ve thung ang a. Odisha Assembly poll chu thawh li lai May 13, May 20, May 25 leh June 1 ah te neih a ni thung dawn a ni.

Inthlan hun awh rei ber dawttu
Kumin parliamentary election ah hain National Democratic Alliance Prime Minister Narendra Modi kaihhruai leh Opposition INDIA bloc te chu inkhing ber tur an ni a. Kumin inthlan hi India electoral history a inthlan hun awhrei ber dawttu a ni dawn bawk a. A rei ber chu India inthlanpui hmasa ber khan niin thla nga lai September 1951 a\anga February 1952 a awh a ni.
Chief Election Commissioner Rajiv Kumar leh Election Commissioner thar pahnih Gyanesh Kumar leh S.S. Sandhu te chuan Lok Sabha rual hian Assembly constituency bypoll 26 pawh neih a ni nghal dawn an ti bawk.

Kum upa, PwD te tan in a\anga vote thlak
India ramah registered voters 96.8 crore an awm kek a, heng zinga 49.72 crore chu mipa niin hmeichhia 47.1 crore an awm thung. First time voter 1.82 crore an awm dawn a, ehng zinga 85 lakh chu hmeichhia an ni. Kumar chuan electors te gender ration chuan nasa takin hma a sawn tia sawiin mi 1,000 zelah hmeichhia 948 vel ang zel a nih thu sawiin State 12 ah chuan mipa aiin hmeichhe voter an tam zawk a ti bawk.
Kumin inthlan hi Lok Sabha inthlana a \um khat nan kum 85 chin chunglam te leh 40% disability tena an chenna In a\anga vote an thlak theihna tur \um khatna a ni bawk a. Kum 85 chin chunglam vote nei 85 lakh an awm a, disability nei voter 88.4 lakh an awm bawk a, electoral roll ah kum za chi chunglam 21.18 lakh an awm bawk.

Manipur refugees te tan poll booth
Commission chuan Manipur a thil awm dan an zirchian thu sawiin constitutency hrang hranga electors tam tak te chu buaina avangin hmun hrang hraqngah an awm darh tih an hriat thu a sawi a. Hei vang hian relief camp bulah special polling stattion dah a ni ang a, electronic voting machine aia chunga vote thlak duh zawk te chuan an thlak thei ang a ti.
Outer Manipur constituency ah chuan ni hran ve ve ah vote thlak a ni dawn a, CEC chuan Manipur boruak kan hrefiah a ni a ti.

MCC bawhchhiatna dim dawn lo
Inthlan hun puan a nih hnuah Model Code of Conduct (MCC) chu kapui nghal niin inthlan result puan hnuah chauh hlih a ni dawn a ni.
CEC chuan ‘four Ms’: muscle power, money power, misinformation, and MCC violations laka inthiarfihlim tura ngenna siamin, “Party tin te pawh campaign laiin mimal inbeihna te kalpui lo turin ka ngen a ni” tia sawiin MCC bawhchhiatna a awm chuan hremna an lekkawh vat tur thu a sawi bawk a.
Election management kaihhnawih news te chu national leh regionbal news channel tin te pawh uluk taka thlithlai reng a ni dawn a, thil duhawm lo leh dan bawhchhiatna a awma nih chuan hremna lekkawh nghal a ni ang tiin CEC chuan a sawi.