Team-in hna thawk tan

Election Commission of India-in Lok Sabha inthlanpui neih hun tur a puan tak avangin Serchhip district election officer David Lalthantluanga chuan an district huamchhungah Expenditure Monitoring Team hrang hrangten hna an thawh tan nghal thu hriattirna a tichhuak a. Inthlan zawh hma chu hman a ni ang.
Compendium of instructions on Election Expenditure Monitoring-in a sawi angin, Static Surveillance Team chu lirthei vakvel hrang hrang enfiah turin constituency tinah dah an ni a. He Team hian lirthei, candidate emaw candidate agent emaw party worker emaw te Rs. 50000 aia tam keng an hmuh chuan an man thei a. Poster, inthlan kaihhnawih hmanrua emaw drugs, zu, ralthuam emaw inthamna atan hman chi thilpek Rs. 10000 man hu aia tam an hmuh chuan an man thei a ni.