Hri lakah ni 27 chhung fihlim ta

Covid-19 hri a la awm a, mahse a zia rih. Tun hnai ni 27 chhung chu hri lakah Mizoram a fihlim ta.
February ni 23 khan hri vei pakhat chu damin a chhuak a, chumi hnuah chuan March ni 21 thleng khan Mizoramah hri vei an awm lo.
February ni 23-a chhuak hi February ni 15-a hriatchhuah a ni a, chumi hma chuan February ni 9-ah hri vei pakhat a awm bawk. February ni 9-a hriatchhuah hi February ni 16-ah damin a chhuak a ni.
February thlaah khan hri vei hriatchhuah pahnih an awm a, February ni 23 hnuah Mizoramah hri vei hriatchhuah an awm rih lo. January-ah khan hri vei hriatchhuah pahnih bawk an awm.
Kumina hriatchhuah hmasak ber chu January ni 19-a mi a ni a, ani hi nikum October ni 19 hnua hri vei hriatchhuah hmasak ber a ni. January ni 24-ah khan hriatchhuah pakhat a awm bawk a, ani hi January ni 31-ah damin a chhuak. Chumi hnu-ah chuan hri vei thar an awm ta lo vang vang a, February ni 9-ah an awm leh.
Covid-19 hri kai an awm leh awm loh endik hna hi la thawh reng a ni a, endik tur an awm chuan endik zel a la ni. IDSP chhinchhiahnaa a lan danin, endik ngai hi a tlem rih.
Doctor-te chuan Covid-19 hi Mizoramah a awm tawh a, chuvangin a vei an la awm hi mak tih tur a ni lo tih an sawi a, hetiang hi khawvel hmun dangah pawh an dinhmun a ni tih an sawi. Tun hnaiah a rawn awm thar leh tihna a ni lo tih an sawi a, a hluar leh tihna pawh a ni lo tih an sawi bawk.
IDSP te’n an chhinchhiah danin, March ni 21 thleng khan Mizoramah sample 19,96,800 endik a ni tawh a, mi 2,39,567 te’n hri an kai tawh.