Mamit tui lakna pipe hlui thlak zawh tum

PHE minister Prof Lalnilawma chuan Mamit khawpui tui lakna pipe hlui thlak tum chu kumin October-a thlak zawh hman tum a ni tih a sawi.
Assembly Session neih zawh taka ziaka zawhna a chhannaah minister chuan, AMRUT 2.0 hnuaia Mamit khawpui tui lakna pipe hlui thlak turin ruahmanna a awm a, sanction pawh hmuh a ni tawh tih a sawi. Hmanrua (pipe) hi supplier-ten an dah fel tawh a, amaherawh chu sum hi a taka hmuh a la nih loh avangin pipe thlak hna hi thawh tan a la ni loa, ruahman lawk ang chuan 2024 October-a zawh hman tum a ni tih a sawi.