CM-in thudik tawk lo a sawi – MNF adviser

Aizawl bypass road siamna tur sawrkar laipuiin sum a phalsak tak chungchangah chief minister ni mek Lalduhoma chuan thu dik tawk lo a sawi niin MNF adviser K Lalsawmvela chuan a sawi.
MNF adviser chuan chief minister kalchhuak ta Pu Zoramthanga’n PMDevine hnuaiah Aizawl bypass road atan hian a hranpa ngatin Union budget hnuaiah cheng vaibelchhe 500 a sawichhuak a, sawrkar tharin tha taka a tih hlawhtlin ngei a beisei tih a sawi.
Chief minister Pu Lalduhoma’n a Delhi zin report peknaah leiverh bik hi harsatna deuh awm vanga cancel hial tum a nih laiin, Road Transport & Highway minister Nitin Gadkari a sawipui hnua pawm leh ni ta anga a sawi chu thangthat lak duh vanga dik lo taka mipui rilru hruaikawi tumna emaw hriatchian loh vang emaw nia a lan thu a sawi.
NHIDCL hotute atanga an hriat danin, bypass tunnel hi engtiklai mahin, khawi level-ah mah cancel emaw enthat turin emaw rawtna a awm loa, package I leh III contract pek vek hnuah a lai ami package II cancel chu thil tih chi loh a nih bakah tunnel hi October 2023-a tender chhuah tawh, Mizoram MLA inthlanpui model code of conduct-in min phuar avanga chawlhsan rih, MCC phelh hnu 2023 December 6-ah high level meeting-in DPR pawm tura a rel, formal approval la tura hma lak nghal a ni tih K Lalsawmvela hian a sawi.
“2024 January 4 vela chief minister-in MRT&H minister a zu hmuh hian sanction turin file hian minister a thleng vel a, a hnu lawkah tweeter hmangin approve a nih thu minister hian a tarlang ta mai niin a lang. Tu emaw zu sawi vanga sanction niloin, a hma daih atanga ruahmanna fel tak awmsa, Union minister-in January 4 vela a pawm, January 15-ah official sanction chhuak ta mai niin a lang,” a ti
EPC mode contract chu ZPM sawrkar kalpui tum a nih dan leh leiverh project EPC mode-a tih pawh Mizorama a vawikhatna nia a hriat thu chief minister-in a sawi chu hriatsual palh a ni tih MNF adviser hian sawiin, “NH project-ah chuan kum 2018 atang khan state PWD hian a hmang tan daih tawh a. State PWD hna, Bamboo Link Road pahnih pawh EPC mode a tender chhuah a ni tawh,” a ti.phuar avanga chawlhsan rih, MCC phelh hnu 2023 December 6-ah high level meeting-in DPR pawm tura a rel, formal approval la tura hma lak nghal a ni tih K Lalsawmvela hian a sawi.
“2024 January 4 vela chief minister-in MRT&H minister a zu hmuh hian sanction turin file hian minister a thleng vel a, a hnu lawkah tweeter hmangin approve a nih thu minister hian a tarlang ta mai niin a lang. Tu emaw zu sawi vanga sanction niloin, a hma daih atanga ruahmanna fel tak awmsa, Union minister-in January 4 vela a pawm, January 15-ah official sanction chhuak ta mai niin a lang,” a ti
EPC mode contract chu ZPM sawrkar kalpui tum a nih dan leh leiverh project EPC mode-a tih pawh Mizorama a vawikhatna nia a hriat thu chief minister-in a sawi chu hriatsual palh a ni tih MNF adviser hian sawiin, “NH project-ah chuan kum 2018 atang khan state PWD hian a hmang tan daih tawh a. State PWD hna, Bamboo Link Road pahnih pawh EPC mode a tender chhuah a ni tawh,” a ti.