Zohnahthlak MP ka ni dawn – Richard Vanlalhmangaiha

MP inthlan turah Zoram mipui bakah khawvel puma Zohnahthlak zawng zawng tan MP nih a tum thu ZPM candidate Richard Vanlalhmangaiha chuan a sawi.
MP inthlan campaign neia Saituala a kalnaah ZPM candidate chuan MP inthlan turah Zoram mipui bakah khawvel puma Zohnahthlak zawng zawng tan MP nih a tum tih a sawi a. MP a nih chuan Mizoram sawrkar hmalakna – Hand Holding Policy hlawhtlin theihna turin hma a la dawn tih a sawi.
“Budget session kan zo chiah a, sawrkar hmasate hnutchiah leiba tam tak nen sawrkar a kal mek. Mizoram budget ringawta innghat loin sawrkar laipuiin hmasawnna scheme hrang hrang a siamte pawtchhuak thei turin hma kan lak a ngai a. Chutiang tur chuan MP atan ruling party ngei min duhsak leh turin mipui ka ngen a ni,” a ti.