Observer-in PS tlawhkual

Mizorama Lok Sabha inthlanpuia expenditure observer Arvind Sharma chuan Inrinni khan Mamita polling station panga a tlawh.
Heng polling station bialtu booth level officer (BLO) ten observer hi an dinhmun tlangpui an lo hrilh a. Kum dangah harsatna leh buaina, a bikin booth capturing an tawh leh tawh loh observer-in a zawh chu a awm ngailo tiin an chhang.
Observer hian inthlan thianghlim leh felfai a awm theih nan zu leh ruihhlo bakah sum therhlo sem chungchangah uluk taka vil a, fimkhur turin AEO, BLO leh school enkawltu official-te a hrilh a ni.
Inrinni vek khan Arvind Sharma hi Dampa bial thlithlai turin a kal nghal a ni.