STPI hotu in larsap kawm

Software Technology Parks of India (STPI) Aizawl deputy director leh officer -in-charge KV Chandra chuan Thawhlehni khan larsap Dr Hari Babu Kambhampati chu Raj Bhavan-ah a hmu.
Larsap chuan STPI-in Mizoram thalaite entrepreneurship lama an luh theih dan kawng hawnsak an tum dan a zawt a. STPI hotu chuan an hmalakna sawipuiin, Mizoram University leh National Institute of Technology (NIT) Mizoram zirlaite nen open channel programmes leh social media hmanga inpawhtawnna an neih thin thu a hrilh.
Mizoram sawrkar Department of Information Technology & Communication nen tangdunin STPI chuan Thuampui Aizawlah square feet 4690.62 a zau centre a din a, STPI Aizawl hi 2018 August 11 khan Guwahati Directorate-in a din a ni.
Tun dinhmunah Centres of Entrepreneurship (CoE) Aizawl atan start-ups 10 thlan chhuah a ni a. STPI Aizawl chu programme hrang hrang – job fair, outreach programs adt. ah an tel thin.