Tualchhung zu man tur tam

izawl chhehvelah zu a pung nia sawi a ni a, hmun hla tak taka zu an man pawh Aizawl vela an siam a lo ni fo mai. Mizoram Excise & Narcotics (MEN) department te’n tun hnaiah tualchhung zu an man hnem telh telh.
MEN department hian March thla thleng khan kuminah rakzu litre 16,829.035 an man tawh a, thla thum chhunga manah chuan hei hi a tam hle.
2021-ah khan kum tluanin litre 40334.032 an man a, chumi nena khaikhinin litre 16,829.035 hi thla thum chhunga manah chuan a tam.
2020 hnuah rakzu hi an man hnem telh telh a, 2020-ah khan litre 46,083.762, 2021-ah litre 40334.032, 2022-ah litre 75701.595, 2023-ah litre 81221.885 an man a, kuminah an man hnem tawh hle bawk.
Zu bilh lai (fermented rice) pawh March thla thleng khan kuminah tin 31,064 an man tawh a, zu siamna bungbel 401 leh dawidim (yeast) kg 2500 an man tawh bawk.
MEN department hotute chuan Aizawl chhehvela zu siamnate an thang nasa a, hmanrua leh a thawktu lamah pawh an thang nasa tih an sawi a, an zu siam pawh a pung nasa tih an sawi bawk.
Hmun hla tak taka zu an man pawh Aizawl vela an siam a lo ni leh thin tih an sawi a, Aizawlah pawh tun hmaa zu zawrh thinna hmun engemaw zatah zu a awm tawh lo a, hmun hnih khatah an inbawkkhawm a, chungte chu an thang nasa tih chu an sawi dan a ni.