FIR min thehluh hnan mai se – Richard Vanlalhmangaiha

ZPM MP candidate Richard Vanlalhmangaiha chuan MAMCO kaihhnawiha thu leng mekah a dik lo nia hria te chuan a lakah FIR thehlut se, a thiam lo a nih chuan mipuiin vote lo mai se a duh tih a sawi.
Zirtawpnia Lungleia street campaign a neihah Richard Vanlalhmangaiha chuan, MNF party-in tu emaw hmanruaah hmangin dawizep takin midang phen atangin an bei niin a sawi. “Midang phen atanga min bei lo hian FIR thehlut se, ka dik lo a nih chuan Zoram mipuiin min vote lo mai rawh se,’ tiin, thlantlin a nih chuan mihring leh Pathian hmaah a eiru lo tura a intiam thu a sawi.
Naupang a nih laiin Vai ho zingah amah chiah Mizo naupang a awm thin a, Vai hoin Mizo naupang min hmuhsit loh nan a huai thin hle a, an thuthu in a awm ngai lo tih a sawi. “Tunah hian a tak takin Mizoram aiawh turin Vai rual zinga chetla leh turin MP candidate ka lo ni ta a, Mizoram aiawhtu tur nih ngei ka chak hle,’ a ti.