Ngaihtuahna tithuitu

Lallunghnema
Charity Lodge
9862288182

India’s Constitution and Map will change if PM Modi and his cabinet returns to power – Parakala Prabhakar, Economist.
Thupuia kan hman ang hian tuna kan thusawi mek hi beng sika ngaihtuahna hman a ngai a ni. Union Finance Minister Pi Nirmala Sitharaman chuan pawisa a neih loh avangin MP Candidate a hnawl a. “Inthlanna senso tur pawisa ka nei lo va, inthlan ka chuh lovang,” a ti tawp mai! A ei rûk loh hmel hle mai.He Union Finance Minister thusawi hian ngaihtuahna a tithui hle. Union Minister, Finance changtu leh nghalin, PAWISA KA NEI LO, a ti tawp mai hi ngaihtuahna tiseitu chu a ni a, thusawi ropui tak a ni hrim hrim! Mizoramah hian Legislator zingah Minister rethei kan hmu em? Chân ngam kan hria em? Finance Minister changtute chu engkim bul leh tâwpah kan ngai a ni si a. Ei ruk duh tan , ‘chance’ a tha, kan ti thin a nih hi!
Union Finance Minister pasal hi mi thiam, ‘Economist ‘ a ni a. Kan hma lawk a Member of Parliament thlanna lo awm tur hi a lo thlir lawk ve thin a ni chêk ang chu. Hetiang hian a thil thlir dan video kaltlangin a sawi a ni. Sap tawngin hetiang hian a thusawi chu ziak chhawn a ni. “India’s Map will change”, Nirmala Sitharaman’s husband Parakala Prabhakar cautions against PM Modi re-election” .
Pi Nirmala Sitharaman pasal chuan ‘PM Modi-a hi a tling leh a nih chuan India hian mipui aiawh inthlanna (election) a nei tawh ngai lovang’ a ti hial a ni! Saptawng bawkin media report hi han tarlang leh ila, ‘The video of Parakala Prabhakar, a renowned economist, sharing his insight was shared by the Congress on the microblogging site X. Parakala Prabhakar is heard of saying that if PM Modi becomes Prime Minister again India will never witness another election process’, A sawi zelnaah Parakala Prabhakar-a chuan Constitution tihdanglam a ni ang a, India map pawh nasa takin tihdanglam a ni bawk ang, a ti. BJP hruaitu lawk tak tak leh PM Modia te hian huat thla la leh thin khei (hate speech) tak takin thu an sawi thin a. Inthlan zawh hunah phei chuan Red Fort atangin hetiang thu huat thla la tak tak hi an sawi zel dawn a ni, tiin uar takin amah kawmtu media hnenah a puang chhuak hial a ni. Muslim ho chungchang sawiin BJP hruaitute chuan Pakistan-a kal an duh zawk chuan kal mai rawh se. (If they want to go to Pakistan, let them tiin) Manipur State-a Kuki leh Meitei inkara buaina nasa tak pawh hi BJP an sawrkar leh chuan tih tawp chu sawi loh India ram pumah heng buaina te hi ngaiah kan neih mai mai dawn a ni. Chinfel aiin nunphung pangngai mai maiah chantir a ni ang a, buaina chu a awm reng dawn a ni. India hmar tawp Ladakh buaina ril takte hian ngaihtuahna a tithui hle bawk a ni. … a situation like Ladakh- Manipur will arise in the entire Country…. a ti bawk. Economist Parakala Prabhakar-a thusawi hi social media- ah a darh nasa hle.
Kum 9 vel zet India rama sawrkarna BJP-in an chelh chinah nasa takin India ram inpumkhatna hi a derthawng a. India ram inrelbawlna leh zahawmnate chu nasa taka tihhmelhem a ni mek bawk a. India Constitution-a Secularism pawh phum bo tumna a lian sawt hle a ni. India tih chu Bharat tiha thlak tumna a awm mek bawk. CAA/Uniform Civil Code pawh tunah hian hman chhoh tum mek a ni a. Thil tha tak angin lang mah se hnam tenau zawk leh sakhaw tenau zawkte tan a him lo hle a ni. One India, One Election tih te, State thuneihna chhuhsak a, Central Sawrkarin State thu neihna chhuhsaka ram ngaw thiah theihna Dan a passed ta tlat te hi State thuneihna palzûtna a ni a. Hetiang hi thil awm ngai lo, Modi-a policy hlauhawm tak chu a ni.
Hmun hrang hrangah kristiante tih duhdahna leh nekchepna a hluar mek zel a. Kristiante him lohna ram a chang mek niin chhut mite chuan an sawi a ni. Hindu-ho chauh lal theihna lam hawi leh Sakhaw dang betute nekchepna BJP rorelna State eng emaw zatin Bill an pass…