Aizawlah ASF leng leh

Aizawla Kulikawn leh Salem Vengah vawk natna – African Swine Fever hmuh a ni a, heng veng pahnih hi khuahkhirhna hnuaia dahin ‘infected area’ a puan a ni.
District veterinary officer Aizawl atanga a dawn angin district magistrate chuan heng veng pahnihah hian African Swine Fever hmuh a nih avangin infected area-a puan an ni a. Aizawl district mipui thatna tur leh hrileng darh zel tur venna atan Kulikawn leh Salem Veng atanga vawk phurh chhuah emaw lakluh emaw khap a ni.
Infected area bikah vawk thi reng reng thuk taka lei lai khuara chinai nena phum tur a ni a, vawk dam leh damlo reng reng infected area bik amite chu hralh emaw talh emaw khap tlat a ni tih a sawi a ni.