Tui pump a khaihlak thui lo

Nilaini tlaia ruah bawhawk surin Aizawl khawpui tana tui lakna tibuai deuh mah se, a tibuai thui lutuk lo tih sawi a ni.
Ruahsur avang hian Tlawng fintu Serlui lam a nu hle a, leivung paih a tam vang a ni. Chutihlaiin, Reiek kaia PHE department-in Tlawng tui a laknaah Greater Aizawl Water Supply Scheme (GAWSS) Phase-II lakna chinah erawh tui hi a nu lo a, GAWSS Phase-I lakna chauh a nu a ni.
Ningani zing lamah chuan Tlawng fintu Serlui hi a nut viau laiin tui lakna pui ber erawh tui nu hian a tibuai lo. Phase-II hian tluang taka a kal theih chuan ni khatah tui litre nuai 240 vel a pump a, Phase-I hian nuai 108 a pump thung. Phase-I atanga tui a lak theih loh hian veng tam tak pek daih chu ni bawk mah se, Phase-II a that chuan Aizawl khawpui tui pek a tibuai thui lutuk lo tih PHE department hotute chuan an sawi.