BJP ten seat 400 lak chuan constitution an thlak ang ti

Nationalist Congress Party (SP) chief Sharad Pawar chuan BJP-in kum 2024 Lok Sabha inthlanah seat 400 chuang lak an duh chhan chu Constitution thlak danglam an tum vang tiin a sawi.
April 28-a Pune Saswad tehsil, Baramati Lok Sabha constituency a campaign rally a neihnaah Pawar chuan kumin inthlanpui chu kum dang nena inthlan nen a inang lo a chhanc hu ‘he ram kal dan tur method’ a hril dawn vang a ni a ti.
“Delhi chief minster Arvind Kejriwal chu lung inah khung a ni mek a. BJP hian dictorship kawng zawhin democracy an tichhe mek a ni. Chuvangin, kan ram humhim nan kan hneh a ngai” tiin a sawi.
“Kumin Lok Sabha hi hun dang aia a danglamna chu kan ram kal zel dan tur kalphung tichiangtu tur a ni a. He ram hi democracy ni reng tura kan ngaih a nia mahse hlauhthawnna kan nei a ni. BJP hian seat 400 chuang lak an tum chhan chu Constitution thlak danglam an duh vang a ni” tiin a sawi.
Baramati ah hian NCP (SP) chuan MP nilai mek leh Sharad Pawar fanu Supriya Sule an candidate a. Maharashtra Deputy Chief Minister Ajit Pawar nupui Sunetra Pawar nen an inkhing ang.