Wolf Man leh a chhungte

Gomez chhungkua-a member pali te chuan natna danglam tak congenital generalized hypertrichosis (CGH) an nei a, hetiang natna genetic niin, thil vâng tak a ni. An pali hian khawvela chhungkhata hetiang hmul ngah chi tam ber record an siam a, mipa zinga hmul ngah ber leh hmeichhe zinga hmul ngah ber record an siam tel bawk.
Mexico chhuak an ni a, tunah chuan San Bernardino, California-ah an khawsa tawh , Victor “Larry” Gomez, Gabriel “Danny” Ramos Gomez, Luisa Lilia De Lira Aceves leh Jesus Manuel Fajardo Aceves te hi chhungkaw member 19 zinga pali an ni a, an chhungkua hi chhuan nga vel chu inhnaih takin an khawsaho a ni.
Victor ‘Larry’ Gomez hi khawvela hmul ngah ber record siamtu niin, a taksa 98% chu hmulin a khuh a, a kutphah leh kephah chiah a hmul lo. Thla khatah vawi khat a hmul hi a met fai thin a, mahse, a to leh chak hle niin a sawi. Tunma chuan a hmul ngah avangin chhaih nawmnah te pawh a tawk thin a, mahse, tunah chuan ngaiah a nei tawh a, a lar phah a, chu chu a hmang tangkai thiam ta zawk a ni.
Hypertrichosis hi pian hlimah a lang nghal thei a, chutiang ni kher loa a hnu deuha rawn lang chhuak te pawh a awm thei. Mahse, Larry te chhungkua hi cingenital issue a nih avangin an pian hlimah hmul an rawn ngah nghal bik a ni.
Gomez chungkua hi scientist te pawhin an zirchiang tawh a, CGH awm theihna gene te pawh an ching chip nasa hlea, X cromosome nena inzawm bik tih an hmuchhuak tawh a, inthlahchhawn theih a ni. |henkhatah a nasa deuh a, thenkhatah erawh nasa vak lo te pawhin a awm thei.
Gomez chhungkuaah hi chuan hmeichhiaah a nasa lo zawk a, mipa lam hi chuan an taksa 98%-ah hmul an nei ve thung. Larry hi a hmul nasat em avangin a hming lemah ‘Wolf Man’ te pawh an lo tihial a ni.