Ministry of Road Transport and Highways chuan June 1 atanga hman tan tur driving licence rules thar a tlangzarh a, thil thlak danglamna a nasa in driving licence neih dan tur a tiawlsam hle.
1. RTO driving test titawp “Rules thlak danglam lian ber chu licence diltu chuan Regional Transport Office (RTO) ah driving test a neih kher a ngai tawh lo. Driving test chu accredited private driving school-ah neih mai theih a ni tawh dawn a. Licence diltuin a paltlang a nih chuan certificate pek a ni ang a, chu chu driving licence dil nana hman mai tur a ni.
Centre chuan private players te hnenah cetificate pein chu chu driving test neih remtihna a ni dawn a ni. mahse, accredited driving school atanga certificate nei lote chuan RTO-ah driving test an neih a ngai thung ang.
-- Advertisement --
2. Hremna : Driving licence nei lova car khalh te hremna pawisa chawitir chu Rs 2,000 thlengin chawitir theih a ni tawh dawn a. Kum tling lova lirthei khalh te chu Rs 25,000 chawi leh nu leh pa te laka hremna lekkawh mai bakah vehicle registration certificate tihtawpsak te thlenga hrem theih a ni thung.
3. Eco-friendly approach : Ministry chuan sorkar vehicles hlui tawh 9,000 chuang te emission pechhuak nasa tawh te chu hnawl a tum bawk a. Chu chu vehicular pollution tihhniam nana hmalakna zel leh electric vehicles (EVs) uar zel tura hmalakna a ni bawk.
4. Kalphung thlak lo : Driver’s licence dilna kalpui dan chu thlak danglam a ni chuang lo thung a. Mahse, Ministry chuan driving licence neih nana paperwork te a tiawlsam tawh thung. Diltu chuan document tlem zawk a mamawh tawh dawn a ni.
Fee pawh siam danglam niin Learner’s licence Rs 200, Learner’s licence renewal Rs 200, International licence Rs 1,000, Permanent licence Rs 200, Permanent licence renewal Rs 200, Issue of renewed driver licence Rs 200 a ni tawh ang.
Private driving school te tan guidelines thar
1. Drivin training centre te chuan ram acre khat a zau tal an nei tur a ni a, four-wheeler training atan chuan acre hnih a ngai thung.
2. Testing facility atan School te chuan an hmun an hman tir thi tur a ni bawk.
3. Trainer te chuan high school diploma tal an nei tur a ni a, driving experience kum nga leh biometrics leh IT system an hre tur ani bawk.
4. Light motor vehicles atana driving course chu kar li chhungin darkar 29 tal a ni tur a ni bawk a, pratical training leh theory tih nan darkar 21 hman tur a ni bawk a. Medium leh heavy vehicles atana training chu kar ruk chungin darkar 38 tal a ni tur a ni thung.
5. Training pe miah si lova license pe driving institution te an awm chuan Rs 5,000 chawi tir an ni ang a. Driving school te mawhphurhna a sang thung a ni.