Chidambaram-a’n ECI thupek sawisel

Senior Congress leader P. Chidambaram chaun Election Commission of India (ECI) in an party chu Agnipath scheme ‘politicise’ lo tura a tihna chu a dik lo hulhual tia sawiselin sorkar policy sawisel hi opposition te right a ni tiin a sawi.
Election Commission chuan May 22 khan ruling BJP leh Opposition Congress te chu nataka zilhin caste, community, language leh relgious line a campaign kalpui lo turin a ti a ni.
Hei mai bakah hian EC chuan Congress te chu defence forces te politicise lo tura tibawkin leh armed forces socio-economic composition tihmelhem thei zawnga campaign lo turin a ti bawk a. Hei hi Congress leader tena Agnipath scheme an sawisel a sawina a ni.
Chidambaram chaun X a post a siamah EC in Congress party te Agnipath scheme ‘politicise’ lo tura a ti chu a dik lo hul hual a ti a.
“Eng nge politicise awm zia chu? ECI hian ‘criticise’ a tihna em ni? Agniveer hi scheme a ni a, sorkar lai mek kalpui a ni. Sorkar policy sawisel chu Opposition political party te right a ni a. Vote tlin kan nih chuan scheme chu nuaibo a ni bawk ang” tiin Union Minister hlui chuan a sawi.
“Agniveer” chuan sipai chi hnih siamin chu ch a dik lo a ni. ‘Agniveer’ hian thalai te kum li chhung chhawrin chumi hnuah hna nei lo tura tithlawnin pension pawh a pe lo va, chu chu a dik lo a ni, tiin Congress leader chuan a sawi bawk.
“Agniveer chu Army ten an duh lo va, tichung chuan sorkar in Army te chu a hman luihtir a, chu chu a dik lo. Chuvangin Agniveer scheme hi nuaibo tur a ni” a ti a.
“ECI in Congress party te sawisel lo tura a ti hi a diklo hulhual a. Khua leh tui ka nih angin ECI hi a dik lo hualhial tia sawi theihna right ka nei bawk” tiin Chidambaram chuan a sawi bawk.