Kawng thamthat mek tlawh

Central Block ZPM Mamit chuan an huamchhung, National Highway No.6 Bairabi kawng thawmthat mek chu a hmunah an tlawh.
He kawng thawmthatna atan hian sawrkar laipui Ministry of Road Transport & Highways (MoRTH) chuan cheng nuai 433 a ruahman a, tunah hian thawmthat hna thawh mek zel a ni.
ZPM Mamit Central Block thuchhuah danin, he hna hi ‘short term maintanance contract’ hmanga thawh tura tih a ni a, chhângtu an awm loh vangin Mizoram PWD Highway Division leh Nidhi Creative Infrastructure chu inremsiamin, PWD hian an thawk ta a ni. Kum khat chhunga zawh tura ruahmanna a ni.
PWD Highway Division-in a thawh tawh chin, Mamit Polytechnic atanga Sabual lui, Pathian tlang hnaih lam km.2 bial leh km. 14-16 Damdiai khaw lam hnaih chu thawmthat hmasak a ni a. A chhe lai hnawhna tur lung duh anga chang tha supply an dawn theih loh vanga muang deuh niin, PWD chuan an sawi. Furin a nan tak tak hma in a chhe zual lai hi hnawh hman an inbeisei tih an sawi a ni.
Hna thawh tawh chin chu tha thawkhat viau in Central Block ZPM Mamit hian an hria a, tun aia hmanhmawh deuh a, furpui hma ngeia a chhe zual lai zo hman ngei turin thawktute an ngen a ni.