Taylor Swift ‘TTPD’ kar 6 a No.1 ta

On Jun 4, 2024 20 0

Taylor Swift album ‘The Tortured Poets Department’ (TTPD) chu Billboard 200 (albums) chart-ah a No.1 a, he chart-ah hian a zawnin kar ruk a No.1 tling ta a, he chart-a a album hrang hrang hmanga a No.1 tawh rei zawng chu kar 75 a tling ta a, soloist zinga he chart-a No.1 ni rei ber record a siam chu a sawhnghet leh ta sauh a ni. Hetihrual hian Twenty One Pilots leh RM te album thar pawh top 10-ah a debut.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah album-a hlate streaming leh album-a hla mal hralhna atanga album hralhna tlukpui te belhkhawm thin a ni.
TTPD hi an tlangzarh atanga kar ruknaah pawh 1,75,000 an la hralh thei a, chung zingah 1,33,000 chu streaming atanga album tlukpui (on-demand official stream maktaduai 173.65) niin, album tak tak hralh chu 41,000 a ni a, album-a hla mal hralhna atangin 1,000 a tling thei bawk.
Billie Eilish album ‘Hit Me and and Soft’ pawh a kar hnihnaah 1,45,000 hralhin No.2-ah bawk a la awm a, Eilish album tlangzarh tawhah chuan a kar hnihnaa hralh that ber a la ni.
Twenty One Pilots album thar ‘Clancy’ chu 1,43,000 hralhin No.3-ah a debut a, chung zinga 1,13,000 chu album tak tak hralhna niin, streaming atangin 29,000 (on-demand official stream maktaduai 38.64) leh album-a hla mal hralhna chu chhiar tham loh a ni ve thung. Clancy hi Twenty One Pilots album he chart-a top 10 kai thei palina a ni.
Chart No.1 hlui Morgan Wallen ‘One Thing at a Time’ chu 73,000 hralh lehin No.3 atangin No.4-ah a tawlh ve ta bawk.
BTS member RM solo album pahnihna ‘Right Place, Wrong Person’ chu 54,000 hralhin No.5-ah a debut a, chung zinga 43,000 chu album tak tak hralhna niin, streaming atangin 7,500 (on-demand official stream maktaduai 10.16) niin, album-a hla mal hralhna atangin 3,500 a tling tei bawk.
Chart No.1 hlui Morgan Wallen ‘Dangerous: The Double Album’ chu 45,000 hralh lehin No.6-ah bawk a la awm a, chart No.1 hlui bawk Future leh Metro Boomin ‘We Don’t Trust You’ chu 43,000 hralh lehin No.5 atangin No.7-ah a tawlh a, Gunna ‘One of Wun’ chu 42,000 hralh lehin No.4 atangin No.8-ah a tawlh a, Noah Kahan ‘Stick Season’ cu 40,000 hralh lehin No.7 atangin No.9-ah a tawlh a, chart No.1 hlui Zach Bryan self-titled album chu 37,000 hralh lehin No.8 atangin No.10-ah a tawlh ta bawk.