Khawvela ui sâng ber Kevin

June ni 13 khan Guinness World Records chuan kum thum a upa, Great Dane ui, a hming Kevin chu khawvela ui damlai zinga sâng berah an puang a, he ui hi feet thum leh inches 2 a sang a ni.
Ui lian ber ni mah se a zaidam hle niin a neitunu Tracy Wolfe chuan a sawi a, “Kevin hi palian zaidam kan tih ang mai kha a ni,” a ti.
Kevin hian a lian fû e ti lo chuan hlauh a ngah riau a, a pi bulah a tawlh deuh hrut hrut reng mai a. Guinness lamin a sâng zawng an teh dawn pawhin measuring tape chu a’n hlau leh tlat pek a! Tracy chuan, “Hlauh hi a ngah em em mai a, vacuum te hi a hlau teh mai a nia,” a ti. Chaw erawh a heh khawp mai a, ni khatah an chaw pek thin ang chu no 6 atanga no 10 vel a ei tlangpui.