Football titi

C France striker Kylian Mbappe an lak fel hnuin Real Madrid chuan Bayern Munich leh Canada left-back Alphonso Davies lak an tum leh dawn. (ESPN)

C Borussia Dortmund chuan Germany defender Mats Hummels chu contract thar ziahpui an tum tawh lova, kum 35 mi hian Dortmund a chhuahsan ve dawn ta a ni. (Sky Sports Germany

C Netherlands leh Paris St Germain forward Xavi Simons chu Euro 2024 tan a nih hnuin ngaihven a hlawh leh zual a, kum 21 mi hi EPL club lian pathum; Manchester United, Arsenal leh Manchester City te bakah Bayern Munich ten lak tumin an ngaihven hlawm. (L’Equipe – in French, subscription required)

C Liverpool in 50m euro (£42m) tawktarha French defender Leny Yoro lei an dilna chu Lille in an hnar. (Mundo Deportivo – in Spanish)

C Bayern Munich chuan Chelsea in England defender Levi Colwill an chhiarna chu to uchuak deuhin an hria a, an ngaihven zui ta rih lo. (Sky Sports Germany)

C Manchester City chuan Portugal defender Joao Cancelo manah £25m aia hniam chu pawm an tum lo. Catalan club lian Barcelona chuan loan an hawh mek Cancelo hi a nghetin lak luh an duh. (Sun)

C Tottenham chu Italy leh Bologna defender Riccardo Calafiori lak tuma dawr zingah an tel. (CaughtOffside)

C Everton chuan nipui bazarah chhuak thei dinhmuna ding England centre-back Jarrad Branthwaite hmunruak luahtu tur an dap tan a. Hull City defender Jacob Greaves an hmutai. (Hull Daily Mail)

C Bayern Munich chuan Real Madrid nena sawi zawm Canada left-back Alphonso Davies chu contract thar chungchangah inremna an neihpui thei lo. Inremna neihpui thei lo mah se hralh an tum chuang rih lo a, a contract hman zawhtir in, free transfer a chhuahtir an pawiti lo. (Sky Sports Germany)

C Aston Villa chuan Leicester chhuahsan tura inruahman mek Nigerian striker Kelechi Iheanacho an thlithlai chhunzawm zel. (Football Insider)

C Aston Villa hian kum 22 mi full-back Ian Maatsen an ngaihven viau a, a chungchangah nitinin Chelsea an la be pawp reng. Maatsen hi Euro 2024-ah Netherlands aiawhin a fehchhuak mek. (Football Insider)

C Ipswich, Southampton, Leicester leh Leeds te chu Wales leh Tottenham defender Joe Rodon ngaihven zingah an tel. (Football.London)

C Inter Milan president Giuseppe Marotta chuan Argentina striker Lautaro Martinez contrct thar tur chu peih fel vek tawh a ni a. Kum 26 mi Martinez signature chiah chu tih fel ngai zinga la tihfel loh leh la kim lo awmchhun a nih thu a sawi. (Sky Sports Italia)

C Roma chuan Borussia Dortmund chhuahsan tur Germany defender Mats Hummels lak an tum. (Calciomercato – in Italian)