Hajj vanga tawrhna nasa tak

Saudi Arabia a Hajj pilgrimage za telin nunna an chan tawh a. Nunna chan te hi ram hrang hrang mite niin Egypt khua leh tui an tam ber a ni.
Egyptian biakzin tam ber te hi mirethei tak tak an ni a, Islam khawpui thianghlim ber tlawh tur hian an damchhung inkhawla kal thei chauh te an ni.
Kum 70 a upa fa panga nei tawh Menoufiya khawchhuak Effendiya chuan a zin thieh nan a jewellery zawng zawng a hralh tiin a fapa Sayyed chuan a sawi a, mahse, vanduaiin rituals tihna hmunah a thi ta a ni.
“Ka nu thihna in min tikehchhe vek a ni” tia sawiin Hajj a kal chu ka nu in a chak ber kha a nia a ti bawk a.
Effendiya hi pasal sun tawh niin Mecca ah tourist visa hmanga kal niin official Hajj visa a nei lo.
Uregistered pilgrims tia sawi mi sang tel zinga tel niin special Hajj permits man to tak nei pha lova Muslim nih anga dam chhunga Hajj tlawh chu tihmakmawh a ngai a, harsa tak chunga kal tawk tawk zinga mi a ni.
Saudi sorkar chuan heng unofficial a Hajj tlawh te hi an dan bawhchhiaah a ngai a. Mahse, official Hajj permit neih chu thil harsa leh man to a ni thung a ni.
Egypt atanga official Hajj convoy chang tur hian mi pakhatin $6,000 vel a sen a ngai a. Effendiya tena official lova an kalna chu local broker kaihhruaina niin official ticket man zahve a kalpui intiamin five-star a thlentir a intiam bawk a. Mahse, a takah a lo ni reng reng si lo a ni.
Arafat day kumin a 15 June ah khan pilgrims te chuan ni chhuah atanga ni tlak thlengin Mount Arafat, Mecca atanga 20km a hlaah tawngtai leh sermon in hun an hmang a ni.
“Bus in Mount Arafat thlen hma 12km ah a dah a, a kalsan leh mai a, ke ngatin an pan ta a ni” tiin Effendita fapa Tariq chuan a sawi.
“Video call hmanga ka biak apiangin a lu ah tui aleih lai a ni ziah a, lum a tilutuk a. Ka biak hnuhnun ber chuan a chau takzet tawh” tiin a sawi.
Official pilgrims te chu air-conditioned puan in kaihah awm tir ni thung hlawmin holy site pan nan pawh Bus pek an ni a, medical care tha tak pek vek an ni bawk.
Mahse chung te chu register loha kal biakzin te chuan an nei ve thei ta lo va, thlauhthlaka awm ang an ni. Ni sa lutuk laka inhumhim nan bedsheet in puan in an kaihchawp ta thin a ni.
Hajj hi Islam a pillar pnga pawimawh zinga mi niin Muslim te chu an damchhunga tum khat tal tel tura ngaih an ni a. Hajj an kal chuan an sualna te tlenfaiin a awmah an ngai.
Khawvela sakhuana thila punkhawmna lian ber pakhat niin kuminah ringawt pawh Mecca pan khualzin maktaduai hnih chuang an awm a ni.
Egyptian thuneitute pawh pilgrims nunna chan tam ber te chu in register lo an nih thu sawiin chuvang chuan nunna chanzah pawh hriatfiah a har an ti a. Nunna chan zat dik tak hrefiah tur chuan hun a la duh deuh dawn an ti.
Egyptian Prime Minister Mostafa Madbouly chuan tour operation tin te Saudi Arabia a unregistered pilgrim tirtute lakah investigation neih a ni ang a ti a.
Effendiya fanu upa ber Manal chuan a thih dawn hnaihah a nu in a rawn biak thu sawiin, “A thih hma lawkin ka nu khan ka unaupa bia in a thlarau in a taksa a chuhahsan hnai tih a sawi a. A bulah awm thei ila ka ti ngawih ngawih” tiin a sawi.
Effendiya chu kawtthler kilah a thi a, a fa te chuan lawmna pakhat an nei, chu chu Mecca ah phumin a awm. “Holy City a thiha phum nih kha a duh ber a nia. A duhthusam a thleng dik ta a ni” tiin Effendiya fanu Manal chuan a sawi.