Sibal-an Vice president Dhankhar chhang

Rajya Sabha MP Kapil Sibal chuan July 7 khan Vice President Jagdeep Dhankhar an Congress leader P. Chidambaram an criminal law pathum chungchang a sawisel avanga nataka chhanna a siamah sawiselin opposition t eni lovin nitina parliamentary procedures te hmusit an awm zawk a ti.
Congress leader Chidambaram chuan criminal law pathum te chu ‘part-timers te draft’ tia a sawi chu Dhankhar chuan duh lo hle in ‘ngaihdamtheihloh’ tia sawiin Chidambaram chu a thusawi chu ‘intihhmingchhiatna, intihmualphona leh inhmuhsitna’ tia sut leh turin a ti a ni.
Dhankhar chuan Chidambaram interview a chhiarah ‘dan thar te chu part-timer te siam’ tia a sawi a chhiar laiin ‘sawifiah theihloh khawpin a nghawr’ tiin a sawi a ni.
Hei hi chhang letin Kapil Sibal chuan, “Dhankhar an Chidambaram thusawia part-timer ten criminal law pathum an siam a tih chu ‘Parliament finna hmuhsitna ngaihdamtheihloh’ a ti a. Kan vai hian part-timers vek zawk kan ni Dhankarji” tia sawiin, “Nitina parliamentary procedures hmusitte hi keini chu kan ni hauh lo” tiin Chidambaram chuan a sawi zui bawk.
July 6 khan Thiruvananthapuram a thusawina a neihah Dhankhar chuan Chidambaram an interview a neiha a thusawi chu sawi langin, “Parliament ah hian part-timers kan ni em ni? Parliament finna hmuhsitna ngaihdam theihloh a ni” tiin a sawi a.
“Hetiang thusawi MP te part-timer anga ngaihna hi demna tur \awngkam natawk ka nei lo hial zawk a ni. Chidambaram hian a thusawi hi a hnuhkir leh ngei ka beisei” tiin Vice President chuan a sawi.