Muzaffarpur atangin British MP

UK parliamentary election ah Rishi Sunak an thuneihna a hloh tak avangin Indians tam tak te chu an lunghnur mai thei a. mahse, Bihar hmar lama khaw pakhatah chuan lawmna a nasa hle thung.
State capital atanga 70km vela hlaa Muzaffarpur khuaa cheng thin Kanishka Narayan chu Labour Party MP atana thlan tlin a ni tlat.
“Kanishkaa naupan laia lo hmu leh hre tawh te chu an lawm em em a ni” tiin Jayant Kumar, Shri Krishna Law College director chuan a sawi.
Jayant Kumar nau Santosh chu Vale Glamorgan MP atana thlantlin hlim kum 33 a upa pa a ni a. British civil services atanga bangin politics a lut a ni.
“Vaishali district a Goraul khaw chhuak kan ni a. Kan thisenah hian dan lam tuina awm a ni ber. Ka pa Krishna Kumar khan helaiah hian law college a din a ni” tiin a sawi.
Kanishka chu Muzaffarpur ah piangin Class II thlengin local school ah a zir a ti a. “Delhi ah a nu leh pa in an pempui a. Chumi hnuah kum 12 a nihin Cardiff ah an pem leh a ni. A pa leh a nu Chetan Sinha te hi UK ah solicitor an ni ve ve” tiin a sawi bawk.
“Labour party ten India nena izawmna tha an duhna leh migrant chungchanga an policy te avangin UK leh India inzawmna tha zawk a aawm kan beisei a ni” tiin a sawi bawk.
Kumar chuan a nephew chu hmuh vat a chak tawh thu sawiin, “UK hi chu kan second home a ni ber a. Wales ah kum li lehkha zirin ka awm a. Ka fanu leh makpa te an la cheng mek bawk” tiin a sawi bawk.