Russia-in Ukraine harsatna siam zui zel

Russia-in Ukraine power facility a beih avangin north-eastern region Sumy ah mi 100,000 chuangin power an nei lo.
Power pek leh theih a nih nan theihtawp chuah a nih thu national grid operator Ukrenergo chuan sawiin Russian air strike chuan harsatna namenlo a siam tiin an sawi bawk.
Energy facility beih avang hian thi emaw hliam emaw an awm hriat a ni lo thung a.
Russia chuan Ukraine hmun hrang hranga energy facility beih chhunzawm zelin hei vang hian thal khawlum laiin Ukrainian mipui ten harsatna tawkin tui thianghlim, air conditioning leh life-saving mecial equipment lamah pawh harsatna an tawh phah a ni.
Tun hnai thla thum chhungin Russia beihna avangin Ukraine chuan power tharchhuah theihj gigawatts kua lai a hloh tawh niin national energy company Ukrenergo te chuan sawiin Russia chuan an thermal power plant te chu a tichhe vek tawh a, hydroelectric sites te pawh drones leh missile hmangin a tichhe nual tawh an ti bawk.
Ukraine-in Russian air strike avanga power a hloh hian Netherlands pum a chawm thei hial a, February 2022 a Russia in a run hnuah Ukraine chuan a power tharchhuah theih atanga hmun thuma thena hmun khat a hloh tawh a ni.
Poland chuan Ukraine hi tanpuiin power a pelut a, mahse, chu chuan Ukraine ram puma a chawm zo chuang lova, chuvang chuan Ukrenergo chuan power a pek chhawk ringawt mai a ni.
“Indo lai mek kan ni a, Russian terrorists te tum ber chu energy sector tihchhiat a ni. A chhan ber pawh kan nun, kan civilisation te hi electricity behchhan vek a nih vang a ni” tiin a sawi a. “Chuvangin zalenna man atana kan pek hi a to hle a ni,” tiin a sawi bawk.